Кан басымын ничек дөрес үлчәргә?

Кан басымын үлчәгәндә түбәндәге кагыйдәләрне үтәргә кирәк:

• Артлы урындыкка утырып, 10-15 минут узгач, ягъни тигез сулыш ала башлагач кына тонометр манжетын кияргә.
• Туры утырырга, хәрәкәтләнмәскә һәм сөйләшмәскә.
• Кием-салым кысып тормаска тиеш. Каеш, галстукны салып куярга, яка муенны кысып торса, төймәсен чишеп җибәрергә.
• Аякны аякка куймаска. Юкса юан кан тамырлары, кысылып, приборның дөрес күрсәтмәвенә китерергә мөмкин.
• Учны өскә каратып, кулны өстәлгә куярга.
• Тонометр манжетын терсәктән аз гына өскә (2-3 сантимерга), йөрәк турысына урнаштырырга.
• Шуннан соң гына кан басымын үлчәргә. Аннан икенче кулга “тотынырга”.

Чыганак