Балык Бистәсе Корноухово гомум белем бирү мәктәбендә әдәби кичә үткәрелде

Әлеге чараны рус теле һәм әдәбияты укытучысы Лариса Миндагалиева алып барды. Ул залда утыручы 5-9 сыйныф укучыларын һәм ата-аналарны беренче минутлардан ук шигъриятнең серле дөньясына алып кереп китте. Катнашучыларның әле күбесе Лермонтовлар нәселендә Шотландлар каны барлыгын белми иделәр. Язучының биографиясе турында Софья Молгачева һәм Виктория Әхмәтвәлиевалар сөйләделәр. Аннан шагыйрьнең иҗатына күчтеләр. Адель Минһаҗев, Маргарита Чернышева, Саркис Гумашян шигырьләр укыдылар, ата-аналар һәм укучылар да шагыйрь иҗатыннан шигырь юлларын искә төшерделәр. Ахырда укытучы сүз остасы булган әлеге шагыйрь тарафыннан язылган картиналарны һәм рәсемнәрне күрсәтте. Аның бу сәләте дә күпләр өчен яңалык иде.

Сергей Миндагалиев.
Корноухово мәктәбе 
директоры.