Районыбызның мәдәни казанышлары

* Рәмзия Фәттахова (мәдәният йорты каршында эшләп килүче "Возрождение" түгәрәге җитәкчесе) - "Женщина года. Мужчина года: женский взгляд" конкурсы "Женщина-культура и духовность" номинациясендә республикада җиңү яулады.

* Алан Полян авыл мәдәният йорты (җитәкчесе Лариса Кибякова) республикакүләм үткәрелгән "Иң яхшы оешма" конкурсында җиңүче итеп танылды.

* Корноухово мәдәният йорты җитәкчесе Гүзәл Хәбибуллина "Серле сандык" регионара милләт фестивалендә катнашып "Үз әсәреңне сәнгатьле итеп башкару" номинациясендә икенче дәрәҗәле дипломга ия булды.

* "Кама таңнары" халык вокаль ансамбле А. В. Коткова исемендәге унбишенче рус хор җыр фестивалендә катнашып Лауреат исемен алып кайтты.

Район мәдәният йорты каршында эшләп килүче халык театры XVI регионара "Идел йорт" халык тетры конкурсында катнашып финалга чыкты.

* "Калинушка" ветераннар хоры Чистай шәһәрендә үткән "Мы разные, но мы вместе" республика хор конкурсында дипломга һәм Казан шәһәрендә узачак гала концертта катнашу хокукына ия булды.

* Биектау районында үткән "Иске-Казан түгәрәк уены" республикакүләм конкурсында катнашып Олы Елгадан Заһирә Гыйләҗева, Югары Тегермәнлектән Ләйсән Габдуллина, Котлы Бөкәштән Гөлсинә Яруллина Лауреат исеменә лаек булдылар.

* Дүртенче республикакүләм балалар фольклор фестивалендә катнашып Олы Елга авылында эшләп килгән "Иске-Казан түгәрәк уены" һәм "Асылъяр" фольклор коллективлары (җитәкчеләре А. Әлмиева) диплом алып кайттылар.

* Шушы көннәрдә. Россиякүләмендә үткән рус фольклор "Каравон" фестивалендә районның декоратив-ясалма "Яңарыш" студиясе (җитәкчесе Рәмзия Фәттахова) диплом белән бүләкләнде.

Районга Гран-при кайтты

Газетабызның алдагы саннарында «Рапсодия» хореографик бию коллективының (җитәкчеләре Елена Фәсхетдинова һәм Светлана Гаврилова ) Татарстан Президенты ярәмендә оештырылып килүче "Йолдызлык" фестивалендә иң югары җиңүгә ирешүе хакында хәбәр иткән идек. Менә бу атнада Татарстан Министрлар Кабинетында фестиваль җиңүчеләрен бүләкләү тантанасы үтте. Безнең рапсодиялеләр Татарстан Премьер-министры Илдар Халиков кулыннан Гран-при һәм җиңү Дипломы алдылар. Бу уңайдан шуны да искә төшереп китү урынлы булыр, быел әлеге фестивальдә барысы 67 мең кеше катнашкан. Шушы кадәр катнашучы арасында безнекеләрнең иң югары баскычка күтәрелүе, сүз дә юк, искиткеч олы һәм дәрәҗәле җиңү!