- Тамашачым борчыла күрмәсен, концерт, һичшиксез, булачак, Алла теләсә! Тамашаны 28 февральгә күчердек. Сәбәбе шул: 25 февраль көнне мине «Болгар радиосы» милли музыка премиясен тапшыру тантанасына чакырдылар. Хөрмәт йөзеннән баш тарта алмадым, шуңа күрә концертымны күчерергә туры килде. 25 февральгә алынган билетлар белән 28 февраль көнне узачак концертка кереп булачак, - дип аңлатты Intertat.ru хәбәрчесенә Азат Абитов.
Бу көннәрдә Азат гомер бәйрәмен билгеләп үтте, аңа 24 яшь тулды. Әмма туган көнендә дә җырчы тәүге концертына әзерләнү белән мәшгуль булган. «Хәзерге вакытта концертка зур әзерлек эшләре бара. Тамашаның үзенчәлеге шунда: татар моңын саклап, аңа зыян китермичә, яңа форматта концерт кую. Концертта Гөлсирин Абдуллина, Рәнис Габбазов, Артур Шөгаепов катнашыр дип көтелә. Махсус кунагым - Татарстанның халык артисты Венера Ганиева», - дип белдерде Азат.
http://intertat.ru
Фото
Нет комментариев