Рөстәм Миңнеханов дини конфессия вәкилләре белән очрашты

Әлеге очрашуда РФ мөселманнары Үзәк диния нәзарәте рәисе Тәлгать хәзрәт Таҗетдин, ТР мөселманнары Диния нәзарәте рәисе Камил хәзрәт Сәмигуллин, Казан һәм Татарстан митрополиты Феофан, ТР баш раввины Ицхак Горелик, Казанда Рим-католик чиркәвенең "Воздвижение Святого Креста" приходы җитәкчесе Уркеза Диогенес, Казан һәм Нократ Рус православие иске обряд чиркәве епискобы Евфимий катнашты, ди "Татар-информ".

Дини конфессия вәкилләре Рөстәм Миңнехановны ТР Президенты вазифаларына рәсми керешүе белән тәбрикләделәр, аңа традицион кыйммәтләрне һәм күп гасырлык рухи мирасны саклау, дини объектларны торгызу буенча уртак эше өчен рәхмәт белдерделәр.

Рөстәм Миңнеханов, үз чиратында, республикада милләтара тынычлык ныгытуда ярдәмнәре, социаль әһәмияттәге проектларны гамәлгә ашыруда актив катнашулары өчен рәхмәт белдерде.

Чыганак:http://intertat.ru/tt/yanalyklar/item/48921