Башлыгы да, гаиләсе дә үрнәк булып яшиләр

Көннәрдән-беркөнне хуҗалык җитәкчеләре аны вакытлыча гына язгы кыр эшләрендә кеше җитмәгәнлектән тракторчы итеп чакырдылар. Бу яңа эшне дә егет күңелен биреп башкара. Нәкъ җырдагыча Миннәхмәт җир эшкәртә, иген үстерә башлый. Тик терлекчелектә хезмәт куйган Фәнзиясе яныны тарта күңеле. Аның янәшәсенә фермага килә. Вакыт агымсу, биш елдан артык инде менә терлекләр карый. Мактаулы хезмәттә генә түгел, әле тагын күпьяклап танылырга өлгергән бу гаилә. Өч балаларына менә дигән хезмәт тәрбиясен биреп, тормышта үз юлларын табарга булышканнар алар. Берничә ел элек үзара киңәшләшеп алар Югары Тегермәнлек авылындагы социаль приюттан апалы-сеңелле нәниләрне гаиләләренә сыендырганнар. Иң куанычлысы, бу балалар да тырышып укулары һәм эш сөючән булулары белән сөендерә аларны. Менә шулай производствода да, шәхси тормышта да күпләргә үрнәк булып тора алар.

Идрис Аметов.

Автор фотосы.