Ярдәм күрсәтергә теләүчене машина бәрдергән
20 октябрьдә 20 сәгать 20 минутта Чаллы-Зәй- Әлмәт юлының 50нче километрында “КИА РИО” автомобилен йөртүче Әлмәт ягыннан килгәндә, каршы як полосага чыгып, “ВАЗ-21140” автомобиле белән бәрелешә.
Авариядә ике машина йөртүче дә, Башкортстан ягыннан килүче “ВАЗ” машинасындагы ике пассажир да җитди тән җәрәхәтләре алалар. Биредә зыян күрүчеләргә ярдәм күрсәтергә дип туктаган Алабуга кешесен икенче бер ВАЗ автомобиле бәрдерә. Машина йөртүче яктылыкны кире кайтаручы элементларсыз булган юлдагы кешене күрмәгән. Нәтиҗәдә ярдәм күрсәтергә теләүче ашыгыч ярдәм машинасы килеп җиткәнче үлгән.
фото cherkesskportal.ru
http://zainsk-rt.ru/news/ya%D2%A3alyiklar/yardm-krsterg-telchene-mashina-brdergn
Следите за самым важным и интересным в Telegram-каналеТатмедиа