Вертолет һәлакәтендә биш кеше үлгән

Истанбул шәһәре янында булган вертолет һәлакәтендә биш кеше үлгән, дип хәбәр итә Бөекчекмедже районы хакимияте башлыгы Хәсән Акгүн. Бу хакта "РИА Новости "җиткерә. "Башлангыч мәгълүматлар буенча биш кеше мәете табылган. Вертолет туп-туры автомобиль юлына төшкән, ул чакта трассада машиналар булмаган. Томан көчле, бөтенләй бернәрсә дә күренми", - дип җиткергән Акгүн NTVтелеканалы эфирында.

Шуның белән бергә ул аның янгын вертолеты булуын расламаган.

Төрек гаммәви матбугат чаралары җиткерүенчә, томанда вертолет гамәлдә булмаган телевизион мачтага килеп бәрелгән.

NTV телеканалы хәбәр итүенчә, вертолет Eczacibasi компаниясе төркеменеке булган. Бортта - җиде кеше, шул исәптән - ике пилот, компания җитәкчесе, шулай ук чит ил кунаклары, алар арасында дүртесе россия гражданнары булган.

http://matbugat.ru

фото сайттан.