Кама Тамагында шартлау булган: һәлак булучылар бар (ФОТО)

автор, 25 декабрь 2017 - 11:03

625

Кама Тамагы районы прокуратурасы ведомство башлыгы Илдус Нәфыйков йөкләмәсе белән гипс руднигында булган шартлаудан соң тикшерү үткәрде, дип хәбәр итте ТР прокурорының өлкән ярдәмчесе Руслан Галиев. Моңа кадәр «Татар-информ» агентлыгы хәбәр иткәнчә, бүген иртән рудникта «Крот» тибындагы автомобильдә эшчеләр шартлаткыч кую белән шөгыльләнгән. Шахтага керү урыныннан биш метр ераклыкта җир...

Кама Тамагында шартлау булган: һәлак булучылар бар (ФОТО)

Моңа кадәр «Татар-информ» агентлыгы хәбәр иткәнчә, бүген иртән рудникта «Крот» тибындагы автомобильдә эшчеләр шартлаткыч кую белән шөгыльләнгән. Шахтага керү урыныннан биш метр ераклыкта җир өстендә көчле шартлау яңгыраган. Нәтиҗәдә, ике кеше һәлак булган.

Оператив төркемнәрдән тыш, урынга Кама Тамагы районы прокуроры да килә. Прокурор тикшерүе нәтиҗәләре буенча, тиешле чаралар күреләчәк.

Һәлакәт нәтиҗәләре буенча «Тау, төзелеш һәм башка эшләр башкарган вакытта куркынычсызлык кагыйдәләрен бозу» маддәсе буенча җинаять эше кузгатылган.