4нче сыйныф укучысы авыр хәлле гаиләдән була. Әнисе абыйсы белән кызны берүзе тәрбияли, шуңа чыгырылыш кичәсенә акча бирерлек мөмкинлеге булмый.
Әлеге "гөнаһы" өчен сыйныфташлары кызны акылга утыртмакчы булалар: дәрестән соң сагалап торып, аны тотып кыйныйлар. Бу вакытта аларны бер хатын-кыз күреп алып, кызны коткара, ә шул вакытта шаһит булган укытучылар, өлкән сыйныф укучылары гына никтер ярдәмгә ашыкмый.
Шактый зыян күргән кызны коткарган ханым мәктәпнең шәфкать туташына алып керергә була, тик анысы урынында булмый. Аннан кызны өенә озатып куя, абыйсы ашыгыч ярдәм чакырта. Кызны хастаханәгә озаталар, хәзер бу эшне хокук сакчылары тикшерә, дип хәбәр итә Шәһри Казан басмасы.
http://www.baltaci.ru
Фото: stmedia24
Нет комментариев