Балык Бистәсенең Сабакаево авылында янгын булды

  Янгын сагы подразделенияләре килгәндә терлек торагының барлык мәйданын ут чолгап алган була инде. Янгынны сүндерүдә 128 нче Балык Бистәсе янгын коткару часте, Корноухово аерым посты, Олы Елга, Кече Елга ирекле янгын сүндерү командалары катнашканнар.

Бу янгын нәтиҗәсендә 640 квадрат метр мәйдандагы торак яна, 60 башка якын терлек һәлак була. Бозауларның бер өлешен куркынычсыз урынга күчереп өлгерәләр. Кешеләр арасында зыян күрүчеләр юк. Янгын чыгу сәбәпләре ачыклана.