Балык Бистәсе урамында тагын авария
Әллә игътибарсызлык, ваемсызлыктанмы, әллә инде бер-беребезне хөрмәт итә белмәүдәнме - бүген районыбыз урамында кабаттан юл-транспорт һәлакәте булды.
Фотодан күргәнегезчә, берничә машина берьюлы бәрелеп фаҗигага юлыга. Шөкер, йөртүчеләре исән-имин, зыян күрүчеләр юк. Юллар да чистартылган, бозга каршы тиешле матдәләр дә сибелгән, юл йөрү кагыйдәләрен дә яхшы белгән әлеге машина йөртүчеләргә нәрсә комачау иткәндер, анысы билгесез. Артык тизлекне яратучылар, каядыр ашыгулар бер кайчан да яхшы нәтиҗәләр бирми.
Шуңа күрә ерак юлга чыгасы булсагыз, ярты сәгать алдан чыгарга киңәш итәбез.Тизлек белән ерак китеп булмый.Чөнки юлда синең кебек каядыр ашыгучылар барын да онытма! Гомер бер генә, юлларда хәвеф-хәтәр тудырмый, бер-беребезне саклап яшик!
Автор Гөлчәчәк Газизова.
Фото Балык Бистәсе ЮХИДИннан алынды
Следите за самым важным и интересным в Telegram-каналеТатмедиа
