Коръән ашына бармасаң ярыймы?
Коръән ашына чакырылып та, сәбәпсез бармый калсаң, гөнаһы юкмы? Мәдинә Сәйфетдинова
«Өметлеләр» мәчете имам хатибы Алмаз хәзрәт Сафин:
– Мөселман кешесенең чакыруны кабул итеп баруы катгый үтәлергә тиешле сөннәт. Мөхәммәд Пәйгамбәр (с.г.с.) бер хәдисендә: «Бер мөселманның икенче мөселман каршында алты хакы бар», – ди. Аларның берсе – мәҗлескә яки кунакка чакырсалар, аны кабул итеп бару. Әбү Хәнифә мәзһәбендә аның хөкеме: катгый үтәлергә тиешле сөннәт. Әгәр дә кеше җитди сәбәпләр булып бармый икән, аның гөнаһы булмый. Сәбәпсез бармаса, хупланмый торган гамәл, әмма аның өчен гөнаһ язылмый. Ул кеше әҗер-саваптан гына мәхрүм кала. Шулай ук бу ике кеше арасындагы мөнәсәбәтләр суынуга, аралар өзелүгә сәбәпче булырга мөмкин.
http://shahrikazan.ru/news/sorau-avap/korn-ashyna-barmasa-yaryymy
Следите за самым важным и интересным в Telegram-каналеТатмедиа