"Хәзрәт, нишлисез сез, Яңа ел безнең бәйрәм түгел бит!" диярләр миңа, бәлки
Бүген Яңа ел бәйрәменә 1 көн кала Казандагы "Кол Шәриф" мәчете имамы Илфар хәзрәт Хәсәнов Җомга вәгазен нәкъ менә шул темага багышлады.
"Хәзрәт, нишлисез сез, Яңа ел безнең бәйрәм түгел бит!" диярләр миңа, бәлки, - диде имам. - Дөрес аңлагыз, берәүне дә бәйрәм итәргә чакырмыйм, әмма без нинди календарь буенча яшибез соң? Паспортыбызда туган көнебез Һиҗри елы буенча күрсәтелгәнме, әллә Милади буенчамы? Эшкә Һиҗри вакыты беләнме, әллә Милади вакыты беләнме йөрибез? Узган 12 айда кылган яхшы һәм начар гамәлләрегезгә нәтиҗә ясауда, алдагы 12 айга план коруда бернинди гаеп юк. Бухгалтерлар, хезмәткәрләр яңа елга планнарын ничек итеп кәгазьгә язган булса, без дә шулай ук Аллаһы Тәгаләнең фатихасына ничек якынрак ирешергә дип алдагы елга план төзергә тиешбез".
Следите за самым важным и интересным в Telegram-каналеТатмедиа
Нет комментариев