Балык Бистәсендә “Йомырка җыю бәйрәме”

Безнең Балык Бистәсе районында май ялларын "Йомырка җыю бәйрәме" буларак та беләләр. Ул гадәттә айның беренче көнендә үткәрелә. Авыл халкы иртәнге алтыда торып йомыркалаларны буяп, тәм-томнар пешереп әзерләп куя. Бүген Балык Бистәсе балалары сәгать җидедән инде өйдән-өйгә кереп, тәм-томнар җыя башладылар. Йөзләрендә елмаю, күңелләре тулы шатлык. Балалар бертавыштан хуҗаларны бәйрәм белән котлыйлар. Өлкәннәр исә, күчтәнәч өләшеп аларга изге теләкләрен җиткерәләр. Балалар рәхмәт әйтеп чыгып китәләр, икенче йортка керәләр.