Зур Мәшләк урта мәктәбенең укучысы Вероника Степанова Татарстан Республикасының иң яхшы 15 укучысы исемлегенә керде

21 декабрьдә Зур Мәшләк урта мәктәбенең унынчы сыйныф укучысы Вероника Степанова, тарих укытучысы Д. Заһидуллина кулланучылар хокукларын яклау буенча республика олимпиадасында җиңүчеләрне бүләкләү тантанасында катнаштылар. Татарстан Республикасы мәгариф һәм фән министры урынбасары С. Андреев һәм Дәүләт алкоголь инспекциясе җитәкчесе Җ. Әхмәтханов аларга җиңүче Дипломын, Рәхмәт хатын һәм кыйммәтле бүләкләр тапшырдылар.
Вероника региональ олимпиадаларда беренче тапкыр гына җиңми. Ул тугызынчы сыйныф укучылары арасында ГИА-2023 нәтиҗәләре буенча Татарстан Республикасының иң яхшы 15 укучысы исемлегенә керде.