Зөфәр Хәйретдиновның гаиләсендә кайгы

Татарстанның халык артисты, җырчы, композитор Зөфәр Хәйретдинов гаиләсендә ачы хәсрәт – аның бертуган апасы вафат булган.

«Мартта гына 71 яшьлек Афзал абыемны соңгы юлга озаткан идек. Бүген Ташкенттагы 77 яшен тутырган Ләйлә апам китеп барды. Унберебездән сигез генә калдык», – дип язган ул социаль челтәрдә.

Туксанынчы еллар азагында Уфага концерт белгән килгәч, Зөфәргә әнисенең үлеме турында хәбәр җиткергәннәр иде. Газиз кешеләрне югалту бик авыр...

Зөфәр Гыйльметдин улының тирән кайгысын уртаклашабыз, мәрхүмәнең урыны җәнәттә булсын.

Фото: гаилә архивыннан.