Балык Бистәсе үзәк китапханәсендә бик матур чара узды

  Балык Бистәсе районы күп кенә язучыларның, композиторларның, шагыйрьләрнең, артистларның һәм күп кенә искиткеч кешеләрнең ватаны. Очрашуга шигырь сөючеләр килгән иде. Якташларының иҗаты белән танышты алар.

Уку залындагы күргәзмәдә районыбыз язучылары һәм шагыйрьләренең китаплары урын алган. Шагыйрьләр үзләренең шигырьләрендә һәм хикәяләрендә туган ягыбызның, туган авылларыбызның матурлыгын һәм байлыгы турында сөйли, үз фикерләре һәм хисләре белән уртаклаша.

Әйдәп баручы китапханәчесе Фәүзия Хөсәенова сценарий әзерләде, очрашуда катнашучыларны туган як шагыйрьләре иҗаты белән таныштырды, шигырьләр укыды.

- Безнең шагыйрьләребез иҗатының төп асылы - аларның күңел чисталыгы һәм ачыклыгында, - диде алып баручы.  - Алар үз шигырьләрендә кешеләрнең мөнәсәбәтләре, дөньяны ничек кабул итүләре турында язалар.  Кичәгә килүчеләр алып баручының сорауларына җавап бирделәр, үзләренең яңа шигырьләрен укыдылар. Ә шигърият сөючеләр, алар арасында мәктәп укучылары да бар иде, үзләренең яраткан шигырьләрен рус һәм татар телләрендә сөйләделәр.

- Шигърият - искиткеч нәрсә. Ул безне дөньяга яңача карарга өйрәтә. Ул йөрәккә җыелган хисләрне белдерү мөмкинлеген бирә. Поэзия безне көндәлек, көнкүреш дөньясы өстендә күтәрә, рухи яктан баета, игелекле, мәрхәмәтле, кыю булырга өйрәтә, – дип гомумиләштерде алып баручы Фәүзия Хөсәенова.

 10 елдан артык китапханәдә «Иҗат чишмәсе» шигърият сөючеләр клубы эшли. 2010 нчы елның көзеннән китапханәдә шигырь сөючеләрне очрашуларга җыйдылар. Анда шагыйрьләр һәм язучылар турында сөйләделәр, шигырьләр укыдылар. Клубның күп кенә катнашучылары үзләре шигырьләр иҗат иттеләр, очрашуларда алар белән таныштырдылар. Шулай ук алар район күләмендәге чараларда, шигърияткә багышланган кичәләрдә катнаштылар. 2011 елның маенда 10 авторның «Кама өстендә салават күпере» дигән шигырьләр җыентыгы дөнья күрде, ул Казан шәһәренең «Идел Пресс» нәшриятында китап итеп бастырылды. Ә 2016 елда - «Кама дулкыннары»ның 9 авторының тагын бер җыентыгы басылды. Моңа кадәр дә аерым авторларның уникедән артык китаплары дөнья күргән иде. Авторлар якташларыбыз, күренекле кешеләребез турында хикәяләр, истәлекләр язалар, җирле һәм республика газеталарында мәкаләләрен бастыралар. Барлык китаплар да китапханәнең уку залында абонементта бар, укучылар алар белән бик теләп танышалар.

Очрашу күңелле узды. Укучылар белән кызыклы очрашулар оештырулары, җирле талантларны үстерү өчен шартлар тудырганнары  өчен китапханә хезмәткәрләренә рәхмәтебезне җиткерәбез.

Светлана Кутлина.