“Җырлыйк әле”не Азат үзе генә алып барачак

автор, 24 февраль 2018 - 18:43

629

"ТНВ" каналында чыгучы "Җырлыйк әле" тапшыруын күпләр ярата. Беренчедән, ул уңайлы вакытта кеше ял иткән чакта эфирга чыга. Икенчедән, бу тапшыру бик халыкчан. "Җырлыйк әле"не кем генә алып бармады үз вакытында. Хәзер менә Азат һәм Алинә Кәримовлар алып бара.

“Җырлыйк әле”не Азат үзе генә алып барачак

Тамашачы сизгәндер, күргәндер Алинәнең корсагы инде шактый сизелерлек. Җырлы гаилә бала көтә. Шул уңайдан телевизиор караучыларның урынлы соравы тугандыр. Алинә бәби табу йортына киткәч, тапшыруны Азат үзе генә алып барачакмы? Бу пар нәкъ менә бергә алып барулары белән тамашачы күңелен яулаган иде бит.

"Матбугат.ру" хәбәрчесенә тапшыруның авторы Нәҗип Бәдретдинов ачыклык кертте:

- Алинәнең китеп торуын, Алла бирса, тамашачы сизмәячәк тә. Май аена кадәр җитәрлек тапшырулар төшердек. Яңа ел каникулында ял итмәдек, бик күп чыгарылышны әзерләдек. Бер яздыруда өчәр тапшыру яздырабыз. Бу шактый авыр, әмма музыкантларны, алып баручыларны оештыру шулай уңайлырак.

Алинәгә башкарып чыгасы зур эшләсен хәерлесе белән башкарырга язсын.