Ятимлек
Гади бер көн. Уен-көлке Балалар бакчасында… Бәхет урап алган сыман Аларның барчасын да… Әмма дөнья тигез түгел, Һәркемнең үз өлеше. Берәүгә булса бакыры, Икенчегә - көмеше… Уйный сабыйлар онытылып, Тирә-як гөрләп тора… «Син - әтисез», - диде берсе… Бу сүзләр йөрәк яра. «Минем әти бар, ул килә! Син белмисең, син...
Балалар бакчасында…
Бәхет урап алган сыман
Аларның барчасын да…
Әмма дөнья тигез түгел,
Һәркемнең үз өлеше.
Берәүгә булса бакыры,
Икенчегә - көмеше…
Уйный сабыйлар онытылып,
Тирә-як гөрләп тора…
«Син - әтисез», - диде берсе…
Бу сүзләр йөрәк яра.
«Минем әти бар, ул килә!
Син белмисең, син тиле!» -
Өзгәләнде бала җаны,
Канлы сүз уктай тиде…
Шул чагында нарасыйның
Сытылып чыкты яшьләре…
Әйтерсең лә аяз көнне
Күкрәде дә яшьнәде…
И сабыем, артык иртә
Сынауларың башланды…
Тигез, җылы пар кочактан
Ятимлеккә ташландың…
Нык бул, балам, тормыш авыр,
Бөек затны онытма…
Изгелек булсын юлдашың,
Бозыклыкка юлыкма…
Следите за самым важным и интересным в Telegram-каналеТатмедиа
Нет комментариев