Җәмгыять
ТНВ алып баручысы Илфат Абдрахмановны бүген соңгы юлга озаталар
Ул хастаханәдә үлгән
Танылган диктор Илфат Абдрахманов 4 октябрьгә каршы төндә вафат булды. Бу турыда ТНВ каналы хәбәр итте.
17 ноябрьдә Илфат Абдрахмановка 59 яшь тулган булыр иде. «Аны Татарстан телевидениесенең символы дип тә атыйлар! Илфат Абдрахмановны тамашачы телевизор экранында 1984 елда ук күрә. Ул яңа „Татарстан-Яңа гасыр“ спутник телеканалына эшләргә килүчеләрнең берсе. Күп еллар ТНВда хәбәрләр алып баручысы булып эшләде. Якыннарының авыр кайгысын уртаклашабыз», диелә ТНВ каналы хәбәрендә.
«Татар-информ» хәбәрчесенә апасы Фирая ханым сөйләгәнчә, Илфат Абдрахмановны авыр хәлдә хастаханәгә алып киткәннәр һәм ул шунда вафат булган.
Следите за самым важным и интересным в Telegram-каналеТатмедиа