Татьяна Вәлиева үзенең юбилеен билгеләп узды

Игелек һәм җан тынычлыгы - эштәге уңышның нигезе. Бу сүзләрне тулысынча Татьяна Сергеевнага карата кулланырга мөмкин.
Ул хәрби хезмәткәрләр Сергей Дмитриевич һәм Нина Николаевна Карсаковлар гаиләсендә өлкән бала булып туа.Балык Бистәсе урта мәктәбен тәмамлагач, Татьяна Сергеевна Казан педагогия училищесына укырга керә, аны уңышлы тәмамлагач, үзенең хезмәт эшчәнлеген Казан шәһәрендә балалар бакчасында тәрбияче булып башлый. Язмыш  Татьяна Сергеевнаны Балык Бистәсенә кайтара, биредә 23 елга якын суд системасында эшли.
Татьяна Сергеевна үз эшчәнлеген район җәмәгать судьялары аппаратында суд утырышы секретаре булып башлый, ә 2001 елдан Татарстан Республикасы Балык Бистәсе район судында белгеч, баш белгеч вазифаларын башкара.
Татьяна Сергеевна актив тормыш позициясе һәм бетмәс энергиясе булган кеше, ул аны коллегалары һәм тирә-юньдәге кешеләр белән армый-талмый уртаклаша. Татьяна Сергеевнага сыгылмалылык, мөнәсәбәтләр төзү һәм тирә-юньдәгеләрне «яндыру» кебек сыйфатлар хас.
Район судының баш матбугат секретаре буларак, Татьяна Сергеевна суд тормышын яктырта, көн саен район судының Интернет-сәхифәләрендә аның мәкаләләре басыла. Татьяна Сергеевна район суды эшчәнлеген яктырту буенча барлык социаль учреждениеләр һәм оешмалар белән уңышлы хезмәттәшлек итә, аның сизгер җитәкчелегендә районның суд системасының иҗтимагый эшчәнлеге белән бәйле барлык чаралар үткәрелә. Суд эшчәнлеген массакүләм мәгълүмат чараларында яктырткан һәм башка органнар белән хезмәттәшлек иткән өчен Татьяна Сергеевна берничә тапкыр Рәхмәт хатлары белән бүләкләнә, шулай ук Татарстан Республикасы судлары арасында «Судның иң яхшы матбугат сәркатибе» конкурсында җиңүче булып таныла.

Дәвамын " Авыл офыклары" газетасы битләрендә укый аласыз.

Автор Татарстан Республикасы Балык Бистәсе район суды коллективы.