Татарстанда «Ел хатын-кызы. Ел ир-аты: хатын-кыз карашы» республика конкурсы игълан ителде

 Аны «Татарстан хатын-кызлары» төбәк иҗтимагый оешмасы оештыра. Конкурс Татарстан Республикасы Рәисе ярдәме белән уздырыла. Оештыручылар арасында шулай ук Татарстан Республикасы Хезмәт, халыкны эш белән тәэмин итү һәм социаль яклау министрлыгы, Мәдәният министрлыгы, Татарстан Республикасында Кеше хокуклары буенча вәкаләтле вәкил һәм Татарстан Республикасы Профсоюзлар федерациясе бар. Конкурс «Хатын – кыз – ана», «Хатын-кыз – мәдәният һәм рухилык», «Хатын – кыз – галим», «Минем язмышым-минем һөнәрем (җитештерү хатын – кызы)», «Хатын – кыз – лидер», «Хатын-кыз-бизнес-леди», «Өченче яшьтәге Героиня», «Хатын-кыз-ел үрнәге», «Ир-ат-лидер», «Ир-ат-асыл йөрәк» номинацияләр буенча үткәрелә.
Конкурсның максатлары: эшчәнлекнең төрле өлкәләрендә зур уңышларга ирешкән хатын-кызларны аныклау һәм бүләкләү; хатын-кызлар иҗтимагый оешмаларының граждан инициативалары исемлеген тулыландыру һәм аларның тәҗрибәсен тарату. Үз җирлеге тормышында хатын-кызларның активлыгын арттыру, төбәк тормышының мөһим мәсьәләләренә кагылышлы карарлар кабул итүдә катнашу; үз төбәгенең иминлеген һәм көндәшлеккә сәләтлелеген арттыру максатыннан республика үсешенә, аның максатчан программаларын үтәүдә хатын-кыз җитәкчеләренең ролен тагын да арттыру; гаилә, рухи-әхлакый кыйммәтләрне ныгыту һәм торгызу, гаилә институтын ныгыту тора.
Конкурс 2023 елның 1 октябреннән үткәрелә. Анда катнашу өчен агымдагы елның 27 ноябренә кадәр республика roo_hattat@mail.ru адресы буенча оештыру комитетына гаризалар җибәрергә кирәк.
Конкурста катнашу бары тик ирекле, дәгъва итүчеләрнең ризалыгы мәҗбүри. Номинацияләрдә «Ел хатын-кызы», «Ел ир-егете» исеменә дәгъва итүчеләр түбәндәге шартларга җавап бирергә тиеш: - югары һөнәри осталык; - профессиональ конкурсларда катнашу; иҗат эшләренең әхлакый юнәлеше.
«Ел Хатын-Кызы. «Ел ир-егете: хатын-кыз карашы» конкурсы өч этапта үткәрелә: I этап муниципаль дәрәҗәдә үткәрелә һәм республика районнарында һәм шәһәрләрендә муниципаль турларны үз эченә ала.