Талантлылар түргә узды
10 февраль көнне район мәдәният йортында “Созвездие-Йолдызлык-2021” республика фестиваленең муниципаль район этабы узды.
Анда 5 яшьтән 21 яшькәчә балалар һәм үсмерләр “Конферанс”, “Вокал-соло”, “Вокаль ансамбль” номинацияләре буенча чыгышлар ясадылар. Барлыгы 58 бала 37 номерда җыр-бию, матур сөйләм буенча сәләтләрен күрсәттеләр. Мәртәбәле жюри сәләтле балалар арасыннан иң-иңнәрен сайлап зона турына үткәрде. Бүгенге көндә алар белән атнаның билгеле бер көнендә район мәдәният йортында репетиция узачак. Шунысын да билгеләп үтү кирәктер, әлеге фестивальне оештыруда район балалар иҗат үзәге хезмәткәрләре күп көч куйды. Ә талантлыларны эзләп табу, аларны сәхнәгә чыгаруда әзерлек эшләре белән тәрбиячеләр, музыка җитәкчеләре шөгыльләнде.
Следите за самым важным и интересным в Telegram-каналеТатмедиа