Октябрь ае - Сафиннар гаиләсе өчен бәйрәмнәргә бай ай. 4 октябрь көнне кызлары Әдилә белән кияүләре Айратның уллары туды. Ә бүген, Габделфәт Сафинның туган көнендә, сабыйга Искәндәр дип исем куштырдылар.
Бәхетле мизгелләр белән Рузилә Сафина уртаклаша:
- Әтисенең туган көненә иң зур бүләк булып оныгыбыз дөньяга килде. Бүген аңа Искәндәр дип исем куштырдык. Хәзрәт сабыйның колагына исемен пышылдаганда күзләрдән яшьләр тамды. Бу - шатлык яшьләре. Һәрбер кешенең дә күзләрендә шушындый шатлык яшьләре генә булсын. Җир йөзендә барыбыз да бәхетле булыйк, тыныч, матур илдә яшик. Балаларыбыз бәхетле, тәүфыйклы, озын гомерле булсыннар.
Сафиннар һәм Рәхимовлар гаиләсен әлеге сөенечле вакыйга белән котлыйбыз.
фото сайттан.
Нет комментариев