Ришат Төхвәтуллинны Казан тамашачысы салкынрак кабул иткәнме?
Башкортстанның атказанган җырчысы Уфада, Казанда һәм Мәскәүдә 30 яшьлек гомер бәйрәменә багышланган концертлар куйды. Аны кайсы тамашачы ничек кабул иткән?
- Казандагы тамашачы Уфаныкыннан аерыла. Хәзер халык миңа яратып, аңлап йөри, җырга-моңга сусаганнары сизелә. Элек, зал тутырып килсәләр дә, салкынрак кабул итәләр иде. Тамашачылар миңа ошады, үз тамашачым килгән иде. Авызыма гына карап тордылар, “Пирамида”ны бергәләп җылыттык, - дигән ул "Шәһри Казан" гәзите хәбәрчесенә.
– Җырларымны тартып алсалар да, тамашачымны тартып алалмадылар. Күп авырлыклар аша узарга туры килде. Ул сынаулар мине чыныктырды. Шул вакытта да тамашачым терәк булды. Авыр чакларыгызда җырларым сезгә терәк булса, мин бик бәхетле булыр идем! – диде Ришат Төхвәтуллин һәр шәһәрдә узган кичә ахырында.
Алдагы елларда да милләттәшләр яшәгән төбәкләрдә "Башкортстан татары" дигән сыйфат билгесенә тап төшермәс ул безнең Ришат!
фотоedinstvo-news.ru
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia