Ришат Төхвәтуллин татар эстрадасында кемнәр белән аралашмавын әйтте

«Мин Нурминский белән аралашмыйм. Безне җәйге концертта бик каты «подводить» итте. Видеолар төшереп, афишалар ясатып, киләм, дип… Көне килеп җиткәч, бер сәбәпсез килмәде, һәм миңа халык алдында бик уңайсыз булды. Шуңа минем аның белән аралашасым килми.

Руслан Кираметдинов белән аралашмыйм мин. Башта аралаша идек. Артымнан тоссыз сүзләр сөйләп йөреп, мөнәсәбәтләребез бозылды, хөрмәтем дә югалды.

Менә без Фирдүс Тямаев белән ничә ел иҗатташ дуслар. Ул минем битемә килеп әйтә әйтәсе килгәнне. Беренче елны без аның белән ничек таныштык? Ул гримеркага керде дә, бөтен артистлар янында: «Нигә сине «голубой» дип әйтәләр», – ди. «Кем әйтте?» – дим. «Шулай-шулай», – ди. Шул кешене чакырып, сөйләштек, аралаштык һәм дуслаштык. Әйтәсе сүзләре бар икән, килсеннәр дә әйтсеннәр битемә», – дигән җырчы.

Тулырак: https://intertat.tatar/news/risat-toxvatullin-tatar-estradasynda-kemnar-belan-aralasmavyn-aitte-5876949