Республикабызда яшенле яңгыр һәм көчле җил көтелә
Сишәмбе, 28 июльдә, республикада алмашынучан болытлы һава торышы, кыска вакытлы яңгыр көтелә, төнлә урыны белән кайбер районнарда яшен һәм боз явуы ихтимал, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Көньяк-көнчыгыштан секундына 6-11 метр тизлектә искән җил төньяк-көнбатышка күчә, урыны белән аның тизлеге 18-23 метрга кадәр җитә. Төнлә температура +16..+21 градус, көнчыгыш районнарда +24 градус тәшкил итте. Көндез термометрның терекөмеш баганасы +23..+28 градуска, республиканың көнчыгышында +31 градуска кадәр күтәреләчәк.
Казанда алмашынучан болытлы һава торышы, кыска вакытлы яңгыр, кайбер районнарда яшенле яңгыр һәм боз явуы көтелә. Төньяк-көнбатыштан секундына 6-11 метр тизлектә җил исә, урыны белән аның тизлеге 14 метрга, көчәйгәндә 18-23 метрга җитә. Көндез башкалада һава температурасы +25..+27 градус тәшкил итәчәк.
Тулырак: https://tatar-inform.tatar/news/v-tatarstane-28-iyulya-ozidayutsya-dozdi-grozy-i-skvalistyi-veter-5926963
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia