Район үзәге Ф.Әхмәдиев исемендәге сәнгать мәктәбендә чыгарылыш укучылары өчен бәйрәм тантанасы булды

Тантана “Рәйхан” курай ансамбле чыгышы белән башланып китте. Аннан чыгарылыш укучыларын сәхнәгә чакырдылар. Аларга фортепиано, баян, гитара, хореография, рәсем сәнгате бүлекләрен тәмамлауны раслаучы таныклык тапшырдылар.Хореография бүлегенең 1 нче сыйныф кече бию төркеме бәйрәмгә ямь өстәп, бию башкарды. Чыгарылыш укучыларының ата-аналарына да мәктәп исеменнән рәхмәт хатлары бирелде. Ата-аналар үз чыгышларында укытучыларга рәхмәт сүзләре җиткерделәр. Соңыннан укытучылар укучылары белән истәлеккә фотога төштеләр.