Район башлыгы котлаулары

Сезне халкыбызның күркәм бәйрәме – милли Сабан туе белән ихластан тәбрик итәм! 
Сабантуенда без язгы кыр эшләренә, терлекчелек өлкәсендә ирешкәннәребезгә нәтиҗә ясыйбыз.  Авыл хезмәтчәннәренең районыбыз социаль икътисадый үсешенә керткән олы хезмәтләре чиксез хөрмәткә лаек. Без аларның уңышлары белән горурланабыз.
Сабантуй бәйрәмендә милләтебезнең кунакчыллыгы, күңел киңлеге, рухи байлыгы ачык чагыла. Сабантуйлар – халыклар дуслыгын чагылдыручы символ буларак әһәмиятле роль уйный. Ул төрле милләт вәкилләрен бер мәйданга җыя. 
Хөрмәтле балыкбистәлеләр, бәйрәмебез кунаклары! Сабантуйлар тормышыбызга ямь өстәсен, игелекле гамәлләргә рухландырсын, тагын да канатланып эшләргә көч һәм күңел күтәренкелеге бирсен. Һәрбер гаиләгә саулык, иминлек, бәхет-шатлык телим.