Радик Ислямов балыкбистәлеләрне Татарстан Республикасы Конституциясе көне белән котлый

6 ноябрь – республикабыз үсешенең яңа этабы башлануы белән Татарстанның хәзерге тарихына кереп калды. Татарстанның үз Конституциясен кабул итеп, республика үсешендә максатчан юнәлеш билгеләү тарихи мөһим вакыйга булды. Ул туган ягыбыз байлыкларын, икътисади мөмкинлекләрне күпмилләтле халкыбызның тормыш дәрәҗәсен күтәрү, рухи һәм мәдәни кыйммәтләребезне саклау, киләчәгебезне кайгырту мөмкинлеген бирде. 
Хәзерге вакытта Татарстан үз үсешендә лидерларның берсе булып тора. Без шәһәрләр, бистәләр, авыллар төзекләндерелүен күзәтәбез. Фельдшер-акушерлык пунктлары, мәдәният йортлары, спорт мәйданчыклары һәм башкалар төзелә. Дәүләт сугыш һәм хезмәт ветераннары турында аерым кайгырта. Болар барысы да республикабызның Төп Законы – Татарстан Республикасы Конституциясе нигезе булган туган республикабыз өчен горурлык хисен ныгыта.
Бәйрәм уңаеннан һәркемгә кайнар котлауларымны юллыйм. Уңышлар юлдаш булсын, һәр гаилә муллыкта яшәсен, илебездә иминлек хөкем сөрсен!

Радик Ислямов,
Балык Бистәсе муниципаль район җитәкчесе.