Өлкәннәр ункөнлеге уңаеннан Балык Бистәсендә түбәндәге чаралар узачак.

1 октябрьдә – Сәнәгать һәм азык-төлек товарлары ярминкәләре, Балык Бистәсе үзәгендә товарларны бушлай китерү, бәйрәм концерты, чәй өстәле, мастер-класслар оештырылачак;
2 октябрь - «Күңел бернәрсәне дә онытмасын» күргәзмәсе;
3 октябрь – Сәламәтлек көне. Өлкән яшьтәге гражданнарга диспансеризация үткәрү;
«Көмеш яшьлек» флешмобы (өлкәннәр өчен иртәнге гимнастика). Өлкәннәр өчен ачык һавада фитнес (үзәк мәйдан 10.00 сәгатьтә);
4 октябрь – «Мин - Совет иле гражданины" туган якны өйрәнү җыелышлары;
5 октябрь –район учреждениеләре, оешмалары һәм предприятиеләре җитәкчеләре белән түгәрәк өстәл-киңәшмә. «Бабай белән янәшә әби» проекты кысаларында өлкәннәр өчен мәдәни-күңел ачу программасы;
6 октябрь - игелекле эшләр көне. Мобиль бригаданың Югары Тулуш авылына баруы. Ветераннар янәшәдә генә яши - «Көзге игелек атнасы - игелекле эшләр эстафетасы» акциясе кысаларында үткәрелгән чаралар.
7 октябрь - Өлкәннәр декадасы кысаларында гаилә юбилярларын котлау.