Җәмгыять
Октябрьдән машинаны эвакуатор алып киткән өчен күбрәк түли башлыйбыз
Татарстанда октябрь аеннан автомобильләрне эвакуацияләгән өчен тарифлар күтәрелә.
Транспорт чарасын эвакуацияләгән өчен автомобиль хуҗалары 2 мең 934 сум түләячәк, бу элеккеге бәяләрдән 344 сумга диярлек артыграк. Бу хакта "Татар-информ" хәбәр итә.
2019 елда эвакуаторчыларның хезмәте – 3 мең 109, ә 2020 елда 3 мең 221 сумга кадәр артачак.
Шул ук вакытта октябрь аеннан В категориясенә кергән җиңел автомобильне штраф стоянкасында саклаган өчен акчаны азрак алачаклар. Ул сәгатенә 60,9 сумнан 52,46 сумга кадәр кими. 2019 елда исә бәяләр – 55,6, ә 2020 елда 57,6 сумга кадәр күтәрелә.
Следите за самым важным и интересным в Telegram-каналеТатмедиа