Кышка бик тәмле чөгендер салаты ясыйбыз
1 кило кызыл чөгендер, 3 кило помидор, 1 кило кишер, 1 кило суган, 1 кило ташкабак, 1 кило татлы борыч, 2 аш кашыгы тоз, 1 стакан песок, ярты литр үсемлек мае, 10 данә лавр яфрагы, 10 борчак кара борыч, ярты стакан туралган сарымсак, 1 десерт кашыгы төелгән кызыл борыч кирәк.
Яшелчәләрне ваклап турарга (блендер куллансак та була), помидор белән татлы борычны иттарткычтан да үткәрергә мөмкин.
Шушы масаны бергә кушып, акрын утта ике сәгать кайнатырга, болгатып торырга. Әзер булырга 3 минут кала 1 десерт кашыгы 70 процентлы аш серкәсе эссенциясе кушарга. Аннан банкаларга салып, калай капкачлар белән ябып, каплап куярга.
http://agryz-rt.ru/news/ash-su/khuabiklrg-kyshka-bik-tmle-chgender-salaty-yasyybyz
Следите за самым важным и интересным в Telegram-каналеТатмедиа