Казанда ике яңа урам барлыкка килде

Казанның Киров районында урнашкан "Залесный Сити" торак комплексында барлыкка килгән яңа урамнарга Гавриил Державин һәм Евгений Боратынский исемнәре бирелде. Казан шәһәре Башкарма комитетының 3532-нче номерлы әлеге карарына 2015 елның 23-нче сентябрь көнендә имза куелган.

Исем бирелгән урамнар шушы көннәрдә адрес планына һәм Казан шәһәре урамнары исемлеге реестрына кертеләчәк, шулай ук адрес атрибутикасы урнаштырыла башлый.