Кабачки салаты (Рецепты)
Бик тәмле рецепт тәкъдим итәбез.
Кирәк: 4 кг кабачки, 2 кг помидор (икесе дә чистартылган), 8 данә болгар борычы, 2 баш уртача зурлыктагы сарымсак, 2 данә ачы борыч, 2 стакан шикәр комы, 2 стакан чистартылмаган сыек май, 4 аш кашыгы тоз, 4 чәй калагы уксус.
Кабачкины озынчалап, бик вак итмичә турыйсы. Калганнарын иттарткычтан чыгарып кайнатканнан соң, кабачкины салып, 40 минут пешерәсе һәм стерилләштерелгән банкаларга тутырып, ябып куясы. Әлеге порция 0,5 литрлы 12 банкага җитә.
Кышка икенче аш янына бирергә дә, болай ашарга да бик тәмле салат килеп чыга.
фотоsuseky.com
http://tuganaylar.ru/news/h%D3%99b%D3%99rl%D3%99r/lena-ttidn-kabachki-salaty
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia