Илдар Таҗетдинов: " Хөрмәтле хатын - кызларыбыз, сезгә язгы кәеф, сәламәтлек, якыннарыгызның хөрмәтен тоеп, иминлектә, муллыкта яшәвегезне телим"

 Кадерле хатын-кызларыбыз! Сезне чын күңелдән язның беренче, гүзәл бәйрәме 8 Март – Халыкара хатын-кызлар көне  белән котлыйм.

Бу матур бәйрәмнең яз башына туры килүе очраклы түгел, чөнки нәкъ менә шушы чорда табигать уяна,  яңа тормыш башлана . Беренче чиратта хатын-кыз дөньяга яңа тормыш бүләк итүче, гаилә учагын тергезеп саклаучы, ир-егетләргә мәңге саекмас илһам биреп торучы. Гүзәл затлар матурлык һәм мәхәббәтне  гәүдәләндерәләр.

Хатын-кызларыбыз  районыбызның социаль-икътисадый үсешенә дә лаеклы өлеш кертәләр. Мәгариф, сәламәтлек саклау, авыл хуҗалыгы һәм башка тармакларны да аларның фидакарь хезмәтләреннән башка күз алдына да китереп булмый.

Хөрмәтле хатын-кызларыбыз! Сезгә язгы кәеф, шатлык-сөенечләр, сәламәтлек, якыннарыгызның хөрмәтен, сөюен,игътибарын тоеп, иминлектә, муллыкта яшәвегезне телим.

Илдар Таҗетдинов,

муниципаль район башлыгы.