Илдар Таҗетдинов җинаять-башкарма системасы хезмәткәрләрен бәйрәмнәре белән котлый

 Сезне һөнәри бәйрәмегез белән котлыйм!

Бу көнне без үз гомерләрен җинаятьчелеккә каршы көрәш, законлылыкны һәм хокук тәртибен саклауга багышлаган кешеләргә хөрмәтебезне белдерәбез.

Сезнең хезмәтнең максаты – закон бозучыларны төзәтү, җәмгыятькә намуслы гражданнар тәрбияләү. Сезгә чын күңелдән әлеге мөһим социаль бурычны хәл итүдә уңышлар телим.

Җинаять-башкарма системасы хезмәткәрләренең югары профессиональлеге, аларның үз-үзләрен аямаган намуслы хезмәте, сайланган һөнәренә тугрылыгы рәхмәт сүзләренә лаек. Бу бәйрәм көнендә хезмәт ветераннарына аерым рәхмәт сүзләрен җиткерәм. Сез - бүгенге буын хезмәткәрләре өчен батырлык, Ватанга хезмәт һәм гражданлык бурычларына тугрылык үрнәге.

Сезгә чын күңелдән нык сәламәтлек, иминлек, бәхет һәм һөнәри эшчәнлегегездә уңышлар телим.

Илдар Таҗетдинов.