Евгений Ананьев хәтердә чын герой булып калачак
Балык Бистәсе Агротехник техникумында махсус хәрби операция зонасында хәрби бурычын үтәгәндә һәлак булган техникумның элеккеге укучысы Евгений Александрович Ананьевка мемориаль такта ачуга багышланган митинг узды.
Евгений үлгәннән соң Батырлык ордены белән бүләкләнә.
Чарада техникум укучылары, район администрациясе хезмәткәрләре, иҗтимагый оешма рәисләре һәм туганнары катнашты.
Чын геройлар тыныч тормышта күзгә артык ташланмый, тыныч кына яшиләр, әмма ил алдындагы гражданлык бурычларын үтәгәндә үлемнән курыкмыйча зур батырлык күрсәтәләр. Евгений Ананьев – Россия солдаты, аның белән безнең ил, якташлары горурлана. Митингта Россия Федерациясе һәм Татарстан Республикасы Гимннары яңгырады. Геройны бер минут тынлык белән искә алдылар.
– Женя – барыбыз өчен дә, бигрәк тә үсеп килүче буын өчен батырлыкның чын үрнәге. Без аның батырлыгын истә тотарга һәм геройга тиңләшергә тиешбез, - дип билгеләп үтте үз чыгышында район башкарма комитеты җитәкчесе Данис Сатдинов.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia