Чәчкә: «Ниләр генә күрмәдем, ниләр генэ ишетмәдем»

 Җырчы Чәчкә үз сәхифәсендә иҗат юлы һәм җырлары турында язган.

«Эстрадада 17нче ел эшлим. Ниләр генә күрмәдем, ниләр генә ишетмәдем. Шул вакыт эчендә күпме «йолдызлар» кабынды, кайберләре икенче көнгә үк сүнделәр. Ә мин әкрен генә, ашыкмыйча, үз юлым белән җирдән атлап барам. Әллә кайларда, күкләрдә — «мин йолдыз!» дип шапырынганым беркайчан да булмады.

Мин халкымның бер гади кызы, җырларым да шундый ук гади, халыкчан, уйландыра торган. Кайберләре шаян, кайберләре дөреслекне ярып сала торган. Гадилекне, ихласлыкны мин бик яратам! Иң мөһиме — кеше булып калыйк», — дип язган җырчы.

Җырчыны тамашачылары хуплап алган һәм иҗат юлында уңышлар теләгәннәр.

Тулырак: http://agryz-rt.ru/news/trda-milli-proektlar/chchk-nilr-gen-krmdem-nilr-gene-ishetmdem