Бүген Республикада җылы һәм яңгырлы һава торышы көтелә
Бүген, 13 майда, Татарстанда җылы, әмма тотрыксыз һава торышы саклана, температура фоны бераз күтәрелә.
Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада аязучан болытлы һава торышы булачак. Төнлә барлык районнарда да явым-төшем күзәтелсә, көндез исә, шул исәптән Казанда да, урыны белән генә яңгыр явачак.
Көньяктан һәм көньяк-көнчыгыш секундына 6-11 метр тизлектә җил исә, кайбер урыннарда аның тизлеге 14 метрга кадәр көчәя.
Җылы төннән соң көндезге сәгатьләрдә термометрның терекөмеш баганасы +18..+23 градуска (көнчыгышта +27 градуска, Казанда +20..+22 градуска) кадәр күтәреләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia