Бүген Республикабызда көчле яңгыр, яшен, боз һәм җил булачак
2 июньдә, республикада һава торышы тотрыксыз булачак.
ТР Гидрометеорология үзәге мәгълүматларына караганда, көндез кыска вакытлы, әмма урыны белән көчле яңгырлар көтелә. Боз явуы да ихтимал, дип яза «Татар-информ» МА.
Көньяк-көнбатыштан секундына 5-10 метр тизлектә исәчәк җил вакыт узу белән төньяк-көнбатышка борылачак, ә көндез аның тизлеге урыны белән 15-18 метрга кадәр көчәячәк. Казанда җилнең иң югары тизлеге 15 метрга кадәр булырга мөмкин.
Төн салкынча узганнан соң, көндез һава температурасы +16...+21 градуска кадәр күтәреләчәк. Казанда термометрлар +18...+20 градусны күрсәтәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia