Балыкбистәлеләр уңышлары белән сөендерә

 «Ихлас» мультимедиа мәктәбе "Сабантуй" һәм «Салават күпере» журналлары тарафыннан оештырылды һәм ул Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән тормышка ашырылды. «Ихлас» мультимедиа мәктәбе кысаларында укучыларга «Күңелле әлифба», «Тылсымлы рәсем», «Балачак әдипләре» һәм «Мин журналист булам» дәресләрендә белем бирелгән.

"Балачак әдипләре" дәресләрен ел дәвамында Яңа Арыш урта мәктәбенең 3 нче сыйныф укучылары, сыйныф җитәкчесе Айгөл Вәлиева белән берлектә дәресләрен карап, тыңлап,  актив катнашып, кызыксындырган сораулар юллап, аларга җаваплар да тапканнар һәм актив катнашучы буларак әлеге күркәм тантанага чакырылганнар. 
-Әлеге чарада укучым Зәйнәп белән катнаштык. Язучылар Галимҗан ага Гыйльманов, Ленар Шәех, Рифат Сәлах катнашында осталык дәресен карадык, сөйләүләрен тыңлап хозурландык.Дипломнар, кыйммәтле бүләкләр белән бүләкләнеп, бик сөенеп кайттык,-дип уртаклашты Айгөл Ильясовна. 
Рәзилә Мөхәммәтрәхимова.