Балык Бистәсе районында терроризмга каршы комиссиянең чираттагы утырышы булды

 Утырышта район прокуроры Руслан Шакирҗанов катнашты.

Балык Бистәсе районы территориясендә экстремизмга һәм терроризмга каршы тору буенча оператив хәлнең торышы турында Россия Эчке эшләр министрлыгының Балык Бистәсе районы буенча полиция начальнигы вазыйфаларын вакытлыча башкаручы Илдар Тимербулатов сөйләде.

Район территориясендә вәзгыять тотрыклы. Террористик һәм экстремистлык характердагы җинаятьләргә юл куелмады, милләтара һәм конфессияара нигезендә конфликтлар юк. Район территориясендә экстремистик юнәлештәге формаль булмаган яшьләр берләшмәләре эшчәнлеге теркәлмәгән.

Эчке эшләр бүлеге хезмәткәрләре тарафыннан имам-хатыйблар һәм мәчеткә йөрүчеләр белән алар арасында радикаль Ислам тарафдарларын ачыклау эше алып барыла.

Агымдагы елда Идел буе Болгары тарафыннан Ислам динен кабул итүгә 1100 ел тулуны бәйрәм итүне исәпкә алып, район мөхтәсибәтенә Эчке эшләр бүлеге белән берлектә мәхәлләләрдәге, шул исәптән чит илдә дини белем алган кешеләрне тикшерү юлы белән профилактик эш алып барырга тәкъдим ителде.

Утырышларда аерым игътибар сорый торган адреслы затлар белән профилактика мәсьәләләре, шулай ук район мәгариф учреждениеләрендә укучыларның деструктив контент элементлары булган социаль челтәрләрен мониторинглау мәсьәләләре карала.

Эчке эшләр бүлеге хезмәткәрләре тарафыннан башкарма комитетның мәгариф бүлеге, шулай ук районның мәгариф учреждениеләре белән мәгълүмат алмашу буенча үзара хезмәттәшлек оештырылды. Деструктив тәртипкә сәләтле, югары агрессиягә ия булган балаларны ачыклау буенча профилактик чаралар үткәрелә.

Югарыда бәян ителгәннәрдән чыгып, Балык Бистәсе районы территориясендә профилактика субъектларының үзара хезмәттәшлеге нәтиҗәсендә тотрыклылыкны саклау һәм дини ызгышлар таралуны булдырмау буенча чараларны дәвам итәргә кирәк, экстремизм һәм терроризмга каршы тору линиясе буенча, деструктив идеологиягә дучар булган балигъ булмаганнарны ачыклау максатыннан, уку йортларында профилактик эш алып барылачак. Укучыларның социаль челтәрләре аккаунтларына мониторинг үткәреләчәк. Авыр тормыш хәлендә булган, имин булмаган гаиләләрдә тәрбияләнүче һәм яшьтәшләре белән кискен каршылыклары булган балигъ булмаган затларның аккаунтларына аерым игътибар биреләчәк.

Район халкына мөрәҗәгать итеп, хокук саклау органнарына мәчетләрдә нинди дә булса диннең өстенлек идеяләрен таратучы, фатирларга урнашучы һәм торак булмаган биналарда яшәүче шикле затлар турында хәбәр итүегезне сорыйбыз.

Луиза Ананьева