Балык Бистәсе муниципаль район башлыгы Илдар Таҗетдинов
Кадерле якташлар! Халыкара өлкәннәр көне уңаеннан ихлас котлауларыбызны юллыйбыз.
Бу көнне районыбыз үсешенә үз өлешегезне керткән өчен сезгә олы рәхмәт хисләребезне белдерәбез. Сезнең бай тормыш һәм эш тәҗрибәгез, белемегез яшь буынга бәһасез мирас ул. Хәзерге тормышта яшьләр башлангычы өлкәннәрнең зирәклеге белән бергә үрелеп барып төрле кыен хәлләрне үтәргә булыша.
Сез үзегезнең гомерегезне туган якка хезмәт итүгә багышлагансыз. Балаларыгыз һәм оныкларыгыз өчен булышчылар, терәк һәм гореф гадәтләрне, кыйммәтләрне саклаучы затлар сез.
Бу бәйрәм көннәрендә сезнең хезмәтегезгә, туган җирне яратуыгызга карата тагы бер кат рәхмәт сүзләре белдереп сезгә ныклы сәламәтлек, иминлек, тыныч озын гомерләр теләп калам.
Илдар Таҗетдинов,
Балык Бистәсе муниципаль район башлыгы.
Следите за самым важным и интересным в Telegram-каналеТатмедиа