Балык Бистәсе мәктәпләрендә соңгы кыңгырау чыңлады

Быел 11 нче сыйныфны - 70 укучы (узган ел 87 чыгарылыш укучысы иде), 195 укучы төп белем мәктәбенең 9 нчы сыйныфын тәмамлый.

Белем бирүнең сыйфатын тәэмин итү максатыннан педагоглар, укучылар һәм ата-аналар күп көч куйдылар, быел районның 17 чыгарылыш сыйныф укучысы “Укуда аерым уңышлары өчен” (узган ел - 20) медаленә дәгъва кыла. Дистәләрчә укучылар республика һәм районкүләм фән олимпиадаларында призер булдылар, спорт өлкәсендә уңышларга ирештеләр.

Алда чыгарылыш сыйныф укучыларын бердәм дәүләт имтиханнары көтә. Уңышлы, сөенечле булсын ул!