Балык Бистәсендә исерек килеш бер машина йөртүче тоткарланды

Барлыгы исерек килеш бер машина йөртүче тоткарланды. 
3 нче август көнне якынча 20 сәгать 30 минутта Яңа Арыш авылының Совет урамында квадроцикл туктатылды. Аның белән Яңа Арыш авылында яшәүче, 1959 елда туган ир-атның исерек хәлдә идарә итүе билгеле булды. Машина йөртүчегә РФ КоАП 12.8 маддәсенең 1 өлеше буенча административ хокук бозу турында беркетмә төзелгән (1,5 елдан алып 2 елга кадәр идарә итү хокукыннан мәхрүм итеп, 45 000 сум күләмендә административ штраф салуга китерә).
Әгәр дә сез исерек хәлдә кешенең руль артына утырырга яки хәрәкәт итә башларга ниятләвенә шаһит булсагыз, кичекмәстән Россия Эчке эшләр министрлыгының Балык Бистәсе районы буенча бүлегенең дежур частена 8(84361) 2-21-02 яки 112 телефоны аша шалтыратуыгыз сорала. Шулай ук  «Госавтоинспекция Рыбно-Слободского района» каналы аша хәбәр итәргә мөмкин.

Бу очракта хәбәр бирүче аноним булып кала. Канал администраторлары ярдәмендә мәгълүматны (хокук бозуларның фотосын яки видеосын) ЮХИДИ хезмәткәрләренә  тапшырырга мөмкин.

Илназ Шиһапов,
Дәүләт автоинспекциясе начальнигы.