Балык Бистәсендә агач утырту акциясе узды

Акциядә район башлыгы Радик Ислямов, район башкарма комитеты җитәкчесе Данис Сатдинов җитәкчелегендә җаваплы вәкилләр һәм районыбыз оешма-учреждениеләреннән хезмәткәрләр, "Сәламәт бул" клубы әгьзалары катнашты. Өлкәннәр ункөнлеге уңаеннан Балык Бистәсеннән 54 ел бергә парлы гомер кичерүче Нурмөхәммәт - Рәхимә Мостафиннар һәм яшь гаилә буларак балалары -  Раяз, Рамин, Ралина белән килгән Алмаз-Айсылу Гадиевлар да үзләреннән истәлек агачы утырттылар. "Агач утырту - кошларга тормыш бирү,  экологияне яхшырту дигән сүз. Без утырткан агачлар район халкының берничә буынын сөендерер әле", - диләр алар.