Балык Бистәсе муниципаль район башлыгы Радик Ислямов Изге Пасха бәйрәме белән кайнар котлый
Хөрмәтле райондашлар! 5 май көнне бөтен дөньяда православие динен тотучылар якты һәм күркәм бәйрәмнәрнең берсе - Пасханы билгеләп үтә.
Пасха бәйрәмен һәркем куанычлы хисләр белән каршы ала - бу көнне үз якыннарына игелек кылырга, яратуын белдерергә, күңелен сафландырырга тырыша.
Православие динен тотучы райондашларыбызны Пасха бәйрәме белән котлыйм! Барлык кешеләрне берләштереп, аларның рухи тормышында гаять зур роль тоткан, һәр христиан өчен газиз һәм кадерле булган шушы бәйрәм күңелләрегезне җылытып, өйләрегезгә бәхет, тынычлык, уңышлар гына китерсен.
Сезгә ныклы сәламәтлек, хәерле гомер, шатлык, үзара аңлашу һәм мәхәббәт, киләчәккә ышаныч телим!
Хөрмәт белән Радик Ислямов
Следите за самым важным и интересным в Telegram-каналеТатмедиа