Балыкбистәлеләр,синоптиклар яңгырлы җәйдән соң коры көз вәгъдә итә

Россиянең урта полосасында якын арада явым-төшем кимиячәк. Синоптиклар яңгырлы җәйдән соң коры көз вәгъдә итә, дип яза "Российская газета".

Гидрометеорология үзәге мәгълүматларына караганда, Россиянең үзәк полосасында дүшәмбедән температура әкренләп күтәрелә башлый. Атна башында Мәскәүдә - 25 градус, сишәмбе - 27, чәршәмбе 29 градуска кадәр җылы булачак. Июльнең соңгы атнасын синоптиклар җәйнең иң җылы атнасы дип саный. Бу хакта Россия Гидрометеорология һәм әйләнә-тирә мохитне күзәтү идарәсе лабораториясе мөдире Людмила Паршина хәбәр иткән.

Һава торышы Идел буеның төньягында катлаулана. Биредә исә яшенле яңгыр, боз, тизлеге секундына 15-20 метрга кадәр җитәчәк җил көтелә. Температура нигездә 22-27 градус тирәсе булачак, дип фаразлый синоптиклар.

http://www.zamansulyshy.ru/tt/component/k2/item/12886-sinoptiklar-yaңgyirlyi-җәydәn-soң-koryi-kөz-vәg'dә-itә.html

фото интернет чыганаклардан алынды.